Stockfish – European Film Festival in Reykjavík verður haldin dagana 19.febrúar – 1.mars 2015 í Bíó Paradís. Hátíðin er haldin í samvinnu við Heimili kvikmyndanna, Bíó Paradís og fagfélög í kvikmyndagreininni á Íslandi. Fulltrúi SÍK í stjórn er Guðrún Edda Þórhannesdóttir. 

mini MIDPOINT vinnustofa með Pavel Jech frá hinum þekkta FAMU skóla í Tékklandi á Stockfish kvikmyndahátíðinni 21. – 22. febrúar. Umsóknir þurfa að berast á This email address is being protected from spambots. You need JavaScript enabled to view it. í síðasta lagi fimmtudaginn 5. febrúar. Framleiðandi og handritshöfundur / leikstjóri með fyrstu eða aðra mynd í þróun þurfa að sækja um saman. Endilega dreifið í bransanum!

https://www.facebook.com/stockfishfilmfestival

Midpoint workshop_call for applications

Aðildarfélög í SÍK geta nú tengst inn á lokaðan Facebook hóp sem hefur verið stofnaður. Slóðin er https://www.facebook.com/groups/382676835239656/ þar sem hægt er að óska eftir að ganga í hópinn.

Einnig má bara leita undir heiti hópsins: SÍK – Samband íslenskra kvikmyndaframleiðenda.

Kjarasamningur milli SÍK – Samband íslenskra kvikmyndaframleiðenda og FÍL – Félag íslenskra leikara var undirritaður 12. nóvember s.l. með fyrirvara um samþykki aðildarfélaga. Í nýafstaðinni atkvæðagreiðslu samþykktu aðildarfélög SÍK nýjan samning einróma. Svörun var 50% og hlutfall greiddra atkvæða út frá atkvæðamagni 91%.

SÍK hefur ítrekað bent á að það er ólöglegt að gera samninga um verktöku milli lögaðila. Nýr samningur fjallar því um tímabundna ráðningu leikara sem launþega með hlutverk í kvikmyndum og sjónvarpi. Aðildarfélög SÍK eru eindregið hvött til að kynna sér efni samningsins og þau tækifæri sem í honum felast við breytingar á ráðningarhlutfalli leikara.

Samband íslenskra kvikmyndaframleiðenda og Félag íslenskra leikara skrifuðu undir kjarasamning þann 12. nóvember sl. Samingarnir voru kynntir á fundi SÍK í Borgartúni 35, miðvikudaginn 19. nóvember.

Nú stendur yfir atkvæðagreiðsla meðal aðildarfélaga í SÍK og hafa forsvarsmenn aðildarfélaga sem greitt hafa aðildargjöld á sl. 12 mánuðum fengið senda rafræna atkvæðaseðla.

Kosningunni lýkur á hádegi miðvikudaginn, 26. nóvember og munu niðurstöður verða kynntar aðildarfélögum SÍK í kjölfarið.

Samninginn má finna á lokuðu svæði aðildarfélaga SÍK hér á vefsíðunni, ásamt reiknilíkani sem notast má við þegar verið er að reikna út laun leikara samkvæmt samningnum.

SÍK – Samband íslenskra kvikmyndaframleiðenda – auglýsir eftir umsóknum um greiðslur úr IHM sjóði SÍK.

Rétt til umsókna úr sjóðnum eiga sjálfstæðir kvikmyndaframleiðendur sem framleitt hafa kvikmyndir sem sýndar hafa verið í sjónvarpi á árinu 2012.