Kvikmyndaframleiðendur fagna nýjum lögum um
hækkun á endurgreiðslum vegna kvikmyndagerðar
Stjórn SÍK – Sambands íslenskra kvikmyndaframleiðenda fagnar því að Alþingi
hafi nú nýlega samþykkt samhljóða að hækka hlutfall tímabundinnar endurgreiðslu
vegna kvikmyndagerðar á Íslandi úr 14% í 20%. Þessi
ákvörðun er mjög mikilvæg íslenskum kvikmyndafyrirtækjum og á eftir að auka
gjaldeyristekjur vegna kvikmyndagerðar verulega. Náttúra Íslands og öll hennar
ótrúlegu myndform eru nú orðin samkeppnishæf á nýjan leik.
Á undanförnum árum hafa erlend
kvikmyndaverkefni skapað
hér hundruðir starfa og nú aukast líkurnar á því að fleiri slík verkefni verið
tekin hér á landi. Það mun styrkja þann
faghóp sem hér hefur orðið til og tryggja stöðugra framboð að atvinnu
fyrir faghóp sem skilar sinni vinnu fyllilega samkeppnishæf við það besta sem
gerist erlendis.
Fyrir íslenska kvikmyndaframleiðendur þýðir þessi breyting að fjármögnun á íslenskum kvikmyndum verður einfaldari og meira
af erlendu fjármagni verður eftir í landinu.
SÍK gerði nýlega könnun meðal félaga sem eiga aðild að sambandinu á fjölda
starfa og veltu á árunum 2007 og 2008. Þar kemur í ljós að ætla má að
um 225 ársverk
hafi verið hjá félögum í SÍK árið 2008 og að
velta þeirra var um 4,2 milljarðar, eða 18,7 milljónir á hvert starf. Ef sömu
forsendur eru notaðar yfir kvikmyndaiðnaðinn í heild sinni, má áætla að nær 300
ársverk séu í iðnaðinum á Íslandi.
Það er því eðlilegt að áætla að þessi hækkun á endurgreiðslu gerir
íslenskan kvikmyndaiðnað samkeppnishæfari þegar kemur að vali á tökustöðum
fyrir stærri kvikmyndaverkefni og að það verði til enn fleiri störf í iðnaðinum
hér á landi og gjaldeyristekjur aukist verulega. Það er fagnaðarefni.
Stjórn SÍK:
Ari Kristinsson
Hilmar Sigurðsson
Kjartan Þór Þórðarson
Hrönn Kristinsdóttir
Baltasar Kormákur