Open Source kvikmyndagerð á Nordisk Panorama
2009
Tækniframfarir síðustu ára samhliða nýjum möguleikum í dreifingu
kvikmynda hafa breytt fyrir fullt og allt grundvelli kvikmyndagerðar sem hefur
hingað til haldist óbreyttur. Hvaða kröfur gerir nýr stafrænn grundvöllur til
dreifingaráætlana framtíðarinnar og hvaða áhrif hafa þær kröfur á
framleiðsluferli mynda?
Daniel Cross,
kanadískur heimildamyndagerðarmaður og prófessor við Mel Hoppenheim School of
Cinema í Concordia Háskóla og Brett Gaylor, kvikmyndagerðarmaður og yfirmaður
New Media deildarinnar hjá EyeSteelFilm í Montreal, hafa áralanga reynslu í
óhefðbundinni dreifingu og framleiðslu. Í nýlegri kvikmyndaframleiðslu RIP
Remix Manifesto og með Open Source Cinema samfélaginu,
http://www.opensourcecinema.org, var næsta skref tekið inn í stóran og lítt
kannaðan heim stafrænnar gagnvirkni þar sem möguleikarnir eru margir og
viðfangsefnin ögrandi.
Nordisk Film og
TV Fund býður upp á röð viðburða á Nordisk Panorama í Reykjavík 25. – 30.
september tengdum Open Source kvikmyndagerð. Dagskráin er sem hér segir:
Fyrir útvalda heimildamyndagerðarmenn:
Vinnustofa í Open Source, laugardaginn 26.
september klukkan 10-14. Fimm verkefni verða valin til að taka þátt í
ákafasmiðju, þar sem sjónum er beint að þeim skapandi möguleikum og þeim
ávinningi í dreifingu sem Open Source býður upp á fyrir verkefnin. Eitt verkefni
fær þróunarstyrk að upphæð NOK 50.000. Umsóknarfrestur rennur út 28. ágúst, sjá
nánar: http://www.nordiskfilmogtvfond.com/news_story.php?cid=1695&sid=10&ptid=4
Fyrir Nordisk
Forum þátttakendur, 28.-29. september:
Ráðgjöf í Open Source kvikmyndagerð á
Nordisk Forum.
Einstaklingsfundir með Dan
Cross og Brett Gaylor þar sem ræddir eru möguleikar þessarar nýju tegundar
kvikmyndagerðar.
Fyrir þátttakendur á Nordisk Panorama:
Kynning og sýning á heimildamyndinni RIP – Remix
Manifesto, mynd sem gerð var úr framlögum þúsunda einstaklinga alls staðar
að úr heiminum. Myndin er sýnd tvisvar á hátíðinni laugardaginn 26. september
kl. 20 og sunnudaginn 27. september og verður haldin málstofa eftir seinni
sýninguna, sem hefst kl. 16.
Málstofa um Open Source kvikmyndagerð
Á þessari málstofu verður fjallað um þá heimspeki
sem liggur að baki Open Source kvikmyndagerð og hvernig þessi nýja tækni getur
veitt nýjar áskoranir og jafnframt auðgað heimildamyndagerð á komandi árum.
Teknar verða sem dæmi, myndir sem framleiddar hafa verið undir merkjum Open
Source sem og myndir sem eru enn á teikniborðinu.
www.nordiskpanorama.com